POESIE

Totò era un grande in tutti i campi.
Punto.

hai ragione

Grazie.....
Troppo buona!

Io amo le poesie di Totò perchè sono semplicemente meravigliose, dolci, delicate, stupende. Le poesie di Tono frammenti di vita raccontati in momenti in cui la vita sembrava fermarsi per lasciare spazio all'eterno!
Tutte le poesie di Totò sono belle, e sono tutte "musicali", che si potrebbero musicare anche in dieci minuti, sembra che siano state scritte per essere canzoni. Totò aveva l'arte nelle vene, era un artista grande in tutto... le sue poesie ci dimostrano questa sua poliedricità.
Una delle poesie di Totò che preferisco è "L'acquiaola", che Totò ha recitato anche nel film per la televisione "Totò a Napoli". Bellissime e degne di essere riscopere e studiate nelle scuole anche "'A cunzegna", "Sarchiapone e Luduvico", "Felicità", "Chi è ll'ommo" e "Ricunuscenza".
Grandi lezioni!

Ll'AMMORE


Ll'ammore è comme fosse nu malanno
ca, all'intrasatta, schioppa dint' 'o core
senza n'avvertimento, senza affanno,
e te pò ffà muri senza dulore





'A CUNZEGNA


' A sera quanno 'o sole se nne trase
e dà 'a cunzegna a luna p' 'a nuttata,
lle dice dinto 'a recchia: << I' vaco a casa:
t'arraccumanno tutt' 'e nnammurate >>.





FELICITA'


Felicità!
Vurria sapè ched'è chesta parola,
vurria sapè che vvò significà.
Sarrà gnuranza 'a mia, mancanza 'e scola,
ma chi ll'ha ntiso maje annummenà.

SI FOSSE N' AUCIELLO



Si fosse n'auciello, ogne matina
vurria cantà 'ncoppa 'a fenesta toja:
<< bongiorno, ammoremio, bongiorno, ammore!>>
E po' vurria zumpà 'ncoppa 'e capille
e chianu chiano, comme a na carezza,
cu stu beccuccio accussì piccerillo,
mme te mangiasse 'e vase a pezzechillo...
si fosse nu canario o nu cardillo.

L' AMMORE AVESS' 'A ESSERE


L' ammore avess' 'a essere
'na cosa fatta 'e zucchero,
'na cosa doce e semplice
tutta sincerità.
Duje piette ca suspirano,
ddoje vocche ca se vasano,
duje core ca se fonneno
fino all'eternità.

A Franca

Chist'uocchie tuie songo ddoie feneste
aperte, spalancate 'ncoppa 'o mare;
m'affaccio e veco tutte 'e ccose care
'nfunn'a 'stu mare, verde comme l'uocchie tuie:
e veco 'o bbene, 'o sentimento, ammore,
e assaie cchiù 'nfunno ancora
io veco chello ca tu 'e date a mme... 'o core.

AMMORE PERDUTO


Ammore perduto,
i' t'ero truvato,
nun aggio saputo
tenerte cu mme.
Ammore perduto,
mm' ha ditto stu core
ca tarde ha saputo
tu ch' ire pe mme.